افغانستان مالی بازارلریده دالر بهاسی یوقاری کېتر اېتکن، طالبان حکومتی صراف‌لرنی باسیم آستیده آلگنی اَیتیلماقده دیر.
اخیرگی ایکی کون ایچیده، طالبان شهزاده سرایی‌گه کېلیب، طالبان تامانیدن تعیین‌لنگن نرخ‌ده دالر ساتیلیشینی بویروغ بېرگن و بویروغ‌گه قرشی تورگن صراف‌لر محبوس اېتیلیش‌دن آگاهلنتیریلگن.
ایتیلیشیچه طالبان تیناوون و بوگون شهزاده سرایی صراف‌لرینی باسیم آستیده آلگن و بوگون بیر نیچه صرافنی هم اسیر آلگنلر.
طالبان بو باسیمی شوندی بېرحالده دیر که دالر بهاسی افغانی پول‌گه نسبتن کمیده تۉرت پول آشگن و اخیرگی وقتلر ایچیده بیر امریکالیک دالر ۷۰ دن ۷۴ افغانیگه قدر چیقیب بارگن.
ایتیش کېره‌ک که امریکا قوشمه ایالتلری نینگ افغانستان‌گه بۉلگن انسان‌پرورلیک یاردملری تۉغریسیده‌گی بحثلر آرتیدن دالر بهاسی یوقاری کېتماقده دیر.
