جمیله ایثار اۉزبېک تیلی و ادبیاتی رواجلنیشی همده اسره‌لیب-اوه‌یلنیشی اوچون قلم تارتیب کوره‌شیب کېله‌یاتکن، یاش عیال شاعرلردن دیر که یقین‌ده اۉزی نینگ «سینیق آیینه» ناملی شعرلر توپلمینی یازیب تیارله‌گن.
سینیق آیینه شعرلر توپلمی شاعرنینگ ایکینچی شعرلر توپلمی دیر که شاعرگه کۉره، بو کتابده‌گی شعرلری محتواسی کۉپینچه افغانستان‌لیک خاتین-قیزلرنینگ آغیر احوالی‌گه قره‌تیلگن.
جمیله ایثار اۉزی نینگ فیسبوک صحیفه‌سیده بو شعرلر توپلمی حقیده یازیشیچه “اوشبو توپلم آغیر سکوتده، حلی هم حیات اشوله‌سینی کویله‌یاتگن افغانستان خاتین-قیزلری آوازی دیر. مینینگ بو توپلمیم، جیملیگیده مینگلب فریاد یاشیرین، هر بیر کوزیاشیده مینگلب آرزولر آقه یاتگن خاتین-قیزلرگه بغیشلنگن.”
جمیله ایثار بو شعرلر توپلمی اۉزبېک تیلی و ادبیاتی نینگ تانیقلی شاعرلریدن خانم شفیقه یارقین آرقه‌لی کۉریب چیقیلگنینی هم معلوم قیلگن.
شونینگدېک شاعر اۉزی نینگ ینگی شعرلر توپلمی عنوانی حقیده ایتیشیچه “آیینه‌نینگ سینیشی هر دایم هم کوچسیزلیک‌نی افاده‌له‌مه‌یدی، بلکه اونینگ تولیق عکسینی چیده آلمه‌گن تشقی دنیا آغیر باسیمی هم اونی سیندیره‌دی.”
دېیرلی اۉزبېک تیلی و ادبیاتی اوچون چرچه‌مسدن کوتاریلگن هر بیر آدیم قهرمان‌لیک دیر. اینقسه خانم جمیله ایثار دیک عیاللریمیز بو فخرلی آدیم‌لرینی کوتارگنده هم تیل رواجی اوچون حصه قوشسه و هم عیاللرنینگ آغیر احوالینی روایت قیلسه، بجرگن فعالیتی و یازگن شعرلری ایکی برابر قدرگه سزاوار دیر.
