اسراییل کابینهسی بو مملکت و حماس آرهسیدهگی آتیش-کېسین ریجهسینی تصدیقلگنی خبر قیلیندی.
اسراییل کابینهسی اوشبو ریجهنی ایکی کون کیچیکتیریب، بوگون جمعه ۲۸ – جدی تصدیقلگن.
دیمک غزه اوروشی خصوصیدهگی اوشبو آتیش-کېسین کیلیشووی، کېلهسی یکشنبه کونی، اسیرلر آزاد اېتیلیشی بیلن باشلنهدی.
ایتیش کېرهک که اسراییل و حماس گروهی آرهسیدهگی آتیش-کېسین کیلیشووی اۉتگن چهارشنبه کونی اعلام اېتیلگن اېدی.
بو کیلیشوو قطر مملکتیده بو مملکت همده امریکا قوشمه ایالتلری و مصر واسطهچیلیگیده قۉلگه کېلگن اېدی.
