سالنگ عمومی قتناو یۉلی ترافیک یوزیگه قیته باغلندی

سالنگ عمومی قتناو یۉلی کوچلی قار یاغیشی و بوران‌‌لر سبب باریب – کېلیش یوزیگه قیته باغلنگن.

طالبان عامه منفعت‌لر وزیرلیگی نینگ سۉزلاوچیسی محمداشرف حق‌شناس، اۉزی نینگ ایکس صحیفه‌سیده بو یۉل باغلنگنیدن خبر بېردی.

حق‌شناس‌گه کۉره، سالنگ عمومی قتناو یۉلی اۉتگن کیچه ساعت ۳:۰۰ اطرافیده ترافیک یوزیگه قیته باغلنگن.

طالبان عامه منفعت‌لر وزیرلیگی، یۉلاوچیلردن بو وزیرلیک خبر بېریشی‌گه قدر سالنگ یۉلی‌دن سفر قیلمسلیکلرینی طلب قیلدی.

عینی حالده، طالبان عامه منفعت‌لر وزیرلیگی، بامیان ولایتی نینگ قوناق، شاتو و حاجیگگ کوتللری هم قار یاغیشی سبب یاپیلگنینی اعلام قیلدی.