اسراییل و حماس گروهی آره‌سیده‌گی غزه اوروشی ۱۵ آی‌دن کیین قۉل تاپکن آتیش-کېسین کیلیشووی، بوگون یکشنبه، ۳۰ – جدی‌دن باشلب عملگه آشیریلیشی کوتیله‌دی.
دېیرلی بو آتیش-کېسین، اوروش ایکی تامانی آرقه‌لی اسیرلر آزاد اېتیلیشی بیلن باشلنیشی معلوم قیلینگن.
بو کیلیشووگه اساس، کېله‌سی ۴۲ کون‌گه قدر ایکی مینگ فلسطین‌لیک اسیر اسراییل تامانیدن و ۳۳ اسراییل‌لیک اسیر حماس تامانیدن آزاد اېتیلیشی کېره‌ک دیر.
ایتیش کېره‌ک که تۉپلم حالده، ۹۸ اسراییل‌لیک حماس گروهی آلدیده اسیر دیر.
بوگوندن باشلب آتیش-کېسین عملگه آشیریلیشی کوتیلگن بیر حالده اسراییل باش وزیری بنیامین نتنیاهو، حاضرگه قدر حماس آزاد اېتیلیشی کوتیلگن اسیرلر رویخطینی شریک قیلمه‌گن، انه‌شوو باعث آتیش-کېسین عملگه آشیریلمس‌لیگی ممکن دېب هم اعلام قیلگن اېدی.
