هرات، غزنی و لغمان ولایتلریدن نشر اېتیلگن خبرلرگه کۉره، بو ولایتلرده اۉلیملی ترافیکی حادثه‌لر یوز بېرگن.
اوشبو واقعه‌لر عاقتبیده آلتی کیشی جان بېریب و ینه ۱۶ کیشی یره‌لنگنی معلوم قیلینگن.
بو جمله‌دن هرات ولایتیده یوز بېرگن تۉرت علیحده ترافیکی حادثه‌لر عاقبتیده بیر کیشی جان بېریب، ینه ۱۱ کیشی یره‌لنگن.
غزنی ولایتیده هم یوز بېرگن ایکی ترافیکی حادثه عاقبتیده اوچ کیشی جان بېریب، ینه بیش کیشی یره‌لنگن.
شونینگدېک لغمان ولایتیده هم یوز بېرگن ترافیکی حادثه عاقبتیده ایکی کیشی جان بېرگن.
ایتیش کېره‌ک که یۉل قاعده‌لری رعایت اېتیلمسلیگی و یۉللر بوزوق‌لیگی افغانستان تورلی منطقه‌لریده ترافیکی حادثه‌لر یوز بېریب، اهالی‌دن قربان‌لیک آله‌دی.
