بیرلشکن ملتلر تشکیلاتی نینگ باله‌لرنی حمایه‌لش صندیغی یا ده یونیسف، فاریاب ولایتیده سوو ییتکزیش بیر لایحه‌س عملگه آشیریلگنیدن خبر بېریب، بو تشکیلات تامانیدن ۶۴ مینگ‌دن آرتیق کیشی‌گه ساغلام ایچیملیک سوو یتیشتیریلگنینی معلوم قیلدی.
یونیسف اۉزی نینگ ایکس صحیفه‌سیده نشر قیلگن ویدیویوده، فاریاب‌لیک نورالدین ناملی بیر باله احوالینی حکایه قیلیب، بو باله بوندن کیین ساغلام ایچیملیک سووگه قۉل تاپیب، اۉقیش‌لریگه دوام بېره‌دی دېب بیلدیرگن.
نورالدین اۉزبېک تیلی‌ده یونیسف‌گه ایتیشیچه “بیز کمیده بیر ساعت‌لیک یۉلدن قیینچیلیکلر بیلن سوو آلیب کېلر اېدیک، یۉلده سوو اوستیمیزگه توکیلیب و قیینچیلیکلردن کیین چاپه‌لب کېلیب مکتب کېتر اېدیک، کیین مکتب‌گه کیچ بۉلر اېدی. شو سبب استادیمیز اۉقیش‌گه یۉل بېرمس اېدی.”
یونیسف تشکیلاتی بو لایحه فاریاب ولایتی نینگ آلیس منطقه‌لریدن بیری‌ده عملگه آشیریلگنینی معلوم قیلگن.
بو تشکیلات نینگ ایشانچ‌گه کۉره، بوندن کیین اوشبو منطقه باله‌لری ساغلام سووگه قۉل تاپیب، سبق‌لریگه دقت قیله‌دی.
فاریاب‌لیک نورالدین ناملی باله نینگ آرتیق‌لشیچه “بوندن ایلگری سوومیز چتل سوو اېدی، ایندی سوومیز پاکیزه دیر کسل بۉلمه‌یمیز. مین خرسندچیلیک بیلن مکتب‌گه باریب کېله‌من، قیشلاغیمیزده مکتب یۉق، آرزویم شو دیر که بیر کون معلم بۉلیب، قیشلاق باله‌لریگه سبق بېرسم.”
یونیسف تامانیدن نشر اېتیلگن ویدیوگه کۉره، بو منطقه‌ده قویاش انرژی‌سی آرقه‌لی، سوو چیقاریش لایحه‌سی عملگه آشیریلگن.
دېیرلی افغانستان اینقسه فاریاب ولایتی نینگ آلیس منطقه‌لریده ساغلام ایچیملیک سوو یۉق‌لیگی اهالی اوچون کتته معما دیر.
