خلق‌ارا آزیق-آوقت دستوری، افغانستان ژورنالیست‌لری بیلن شریک قیلگن معلوماتیده، افغانستان اوچون اروپا اتفاقی نینگ ینگی یاردمی‌دن خبر بېردی.
بو اتفاق تامانیدن نشر اېتیلگن معلومات‌گه کۉره، اروپا اتفاقی نینگ اوشبو یاردمی ۱۶.۵ میلیون یورو (۱۷.۴ میلیون دالر) دن عبارت دیر که افغانستان‌ده قشاق عایله‌لرنی قوللب-قوتلش مقصد صرف‌لنه‌دی.
بیرلشکن ملتلر تشکیلاتی نینگ آزیق-آوقت دستوری، افغانستان جمعیتی جمله‌سیدن کمیده ۱۵ میلیون انسان آغیر آچلیک احوالده‌لیگینی هم معلوم قیلگن.
بو تشکیلات نینگ بیلدیریشیچه، اۉتگن ییلی بودجه آزلیگی سبب، افغانستان جمعیتی جمله‌سیدن کمیده، ۱۱ میلیون محتاج کیشی‌گه یاردم یوباریلمه‌گن.
آزیق-آوقت دستوری اروپا اتفاقی اخیرگی ایکی ییل ایچیده، ۹۲.۵ میلیون دالر افغانستان‌گه یاردم کۉرسه‌تگنینی هم معلوم قیلدی.
