امریکا قوشمه ایالتلری نینگ جمهور باشلیغی دونالد ترامپ، آنت ایچیش مراسمی یکونلنیشی بیلن آق‌سرای‌گه قیتیب، بیر قنچه مهم فرمان‌لرنی امضا قیلگن.
دونالد ترامپ تامانیدن امضا اېتیلگن مهم فرمان‌لر، مهاجرت، ساغلیقنی سقلش و اقلیم اوزگریشی کبی ساحه‌لرده دیر.
امریکا ینگی جمهور باشلیغی بیرینچی کونی‌ده امضالگن بویروغ‌لری اساسیده، بو مملکت‌گه مهاجرت چیک‌لنتیریلگن و انه شو سبب افغانستان‌لیک یوزلرچه مهاجر امریکاگه باریشی برابریده توسیق‌لیک یره‌تیلگن.
عینی حالده، دونالد ترامپ مهاجرت مساله‌سیگه باغلیق امریکا بیلن مکزیک آره‌سیده‌گی چیگره حدودلرده فوق‌العاده وضعیت اعلام قیلگن.
شونینگدېک دونالد ترامپ خلق‌ارا ساغلیقنی سقلش تشکیلاتی نینگ هم کرونا ویروس کبی کسللیکلرنی ناتوغری باشقریش‌گه عیبلب، امریکا کېله‌سی بیر ییل‌گه قدر بو تشکیلات اعضالیگیدن چیقیشی بۉییچه بۉلگن بویروغ‌نی امضا قیلگن.
همده امریکا جمهور باشلیغی اقلیم اوزگریشی خصوصیده بۉلگن پاریس کیلیشووی‌دن هم چیقیش بویروغینی امضا قیلگن.
