خلق‌ارا ساغلیقنی سقلش تشکیلاتی، امریکا قوشمه ایالتلری نینگ بو تشکیلات‌دن چیقیش قراری‌دن تاسف‌لنگنینی اعلام قیلدی.
ساغلیقنی سقلش تشکیلاتی اۉزی نینگ ایکس صحیفه‌سیده نشر قیلگن بیاناتیده، بو حقده مناسبت بیلدیرگن.
دیمک امریکا قوشمه ایالتلری نینگ جمهور باشلیغی دونالد ترامپ بیرینچی کونی‌‌ده، امریکا بو تشکیلات‌دن چیقیشی تۉغریسیده‌گی، قرارنی امضالدی.
خلق‌ارا ساغلیقنی سقلش تشکیلاتی بو حقده نشر قیلگن بیاناتیده، ترامپ بو قراری قیته کۉریب چیقیلیشینی تاکیدلب یازیشیچه “امید امریکا قوشمه ایالتلری بو قرارینی قیته کۉریب چیقسه و دنیا بویلب میلیونلرچه انسان ساغلیگی اوچون امریکا و ساغلیقنی سقلش تشکیلاتی آره‌سیده‌گی همکارلیکلر سقلب قالینیشی اوچون مذاکره‌لر اۉتکزیلیشینی کوته‌میز.”
خلق‌ارا ساغلیقنی تشکیلاتی بو بیاناتیده، امریکا قوشمه ایالتلری شامل بوتون اعضالری بیلن بیرگه دنیاده ساغلیق تیزیمی عملگه آشیریلیشی و کسللیکلر آلدی آلینیشی اوچون بجرگن اونملی فعالیت‌لریدن ایسله‌گن.
