طالبان تشقی ایشلر وزیرلیگی بیر بیانات نشر قیلیب، بو وزیرلیک سرپرستی امیرخان متقی، بیرلشکن ملتلر تشکیلاتی باش کاتبی نینگ افغانستان‌ده‌گی مخصوص وکیلی و یونا باشلیغی رزا اوتنبایوا بیلن اوچرهشگنیدن خبر بېردی.
طالبان تشقی ایشلر وزیرلیگی تامانیدن بو حقده نشر اېتیلگن بیانات‌گه کۉره، اوچره‌شووده افغانستان اقتصادی احوالی و خلق‌ارا هم‌جمعیتی نینگ انسان‌پرورلیک یاردملری حقیده صحبت قیلینگن.
طالبان نینگ ادعا قیلیشیچه، رزا اوتنبایوا اۉتگن ییلی افغانستان‌گه بۉلگن رواجلنیش یاردملر، انسان‌پرورلیک یاردملرگه نسبتن کۉپهیگنیدن خبر بېرگن.
شونینگدېک طالبان هم خلق‌ارا هم‌جمعیتی نینگ افغانستان اوچون بۉلگن یاردملری دوامینی سۉره‌گن.
دیمک خلق‌ارا هم‌جمعیتی نینگ یاردمی دوام اوتیب تورگن بیرحالده، اخیرگی ییللر ایچیده، افغانستان اهالیسی نینگ اقتصادی احوالی، آغیر وضعیتده قالیب کېلماقده دیر.
