تخار ولایتیدن منبع‌لرنی اۉزبېک تی‌وی گه تصدیق‌لشیچه، بو ولایتده چین بیر وطنداشی قورالی اوغری‌لر تامانیدن اۉلدیریلگن.
ایتیلیشچه بو واقعه خواجه بهاءالدین اولسواللیگیده شوندی بیرحالده یوز بېرگن که چین بو وطنداشی آلتین کانلری بیری‌دن، تخار ولایتی مرکزی تالقان شهریگه قیتیب کېلماقده اېکن.
دېیرلی قورالی اوغری‌لر چین بو وطنداشینی اۉلدیریب، اونینگ یانیده‌گی پوللرینی اۉزلری بیلن آلیب کېتگن.
حاضرگه قدر طالبان بو حقده بیران تفصیلات بېرگن اېمس.
ایتیش کېره‌ک که طالبان حاکمیتی دوریده، تخار آلتین کانی‌ده چین وطنداشلری حضوری کۉپه‌یگن.
