طالبان تشقی ایشلر وزیرلیگی نینگ ادعا قیلیشیچه، کابلده‌گی تورکیه ایلچیسی جنک اونال، طالبان و تورکیه آره‌سیده‌گی مناسبت‌لر کوچه‌یشیگه تاکید قیلگن.
جنک اونال بو مساله‌نی، بوگون چهارشنبه، ۳- دلو طالبان تشقی ایشلر وزیرلیگی نینگ سرپرستی امیرخان متقی بیلن اۉتکزگن اوچره‌شو‌یده، تیلگه آلگن.
طالبان تشقی ایشلر وزیرلیگی سۉزلاوچیسی اۉرین باسری ضیااحمد تکل نینگ یازیشیچه، بو اوچره‌شووده تورکیه و طالبان علاقه‌لری یخشی تامان‌گه کېتیشی بیلدیریلگن.
شونینگدېک طالبان تشقی ایشلر وزیرلیگی نینگ سرپرستی، انقره و استانبول‌‌ده، طالبان دیپلومات‌لری قبول اېتیلگنیدن منتدارچیلیک بیلدیرگن.
طالبان شوندی بیرحالده تورکیه بیلن علاقه‌لرینی یخشی بهاله‌ماقده دیر که بو مملکت حاضرگه دنیا باشقه ممکتلری کبی، طالبان‌نی رسمی تَن آلمه‌گن.
