طالبان نینگ تازه‌لش و خوفسیزلیک کمیسیونی بیر گزارش نشر قیلیب، ادعا قیلیشیچه، داعش اعضالری پاکستان‌ده سقله‌نیب، تعلیم کۉره‌دیلر.
بو گزارش‌گه کۉره، اوشبو ییردن تربیه‌لنگن داعش اعضالری افغانستان‌گه قرشی ناتینچ‌لیک واقعه‌لرنی اۉیوشتیرگن.
شونینگدېک طالبان نینگ ادعا قیلیشیچه، افغانستان‌ده ناتینچ‌لیک واقعه‌لرنی اۉیوشتیرگن داعش اعضالری کۉپینچه، پاکستان و تاجکستان وطنداش‌لری دیر.
طالبان همده پاکستان‌ده افغانستان‌گه قرشی داعش تربیه‌لنیشی بیر قنچه مملکتلر تامانیدن مالی حمایه بۉلیشینی هم ادعا قیلگن، بیراق بو مملکتلردن آت توتیلگن اېمس.
عینی حالده، طالبان بو گروه حاکمیتی‌گه قرشی گروه‌لرنی بوتونله‌ی نابود قیلگنینی هم ادعا قیلگن.
