افغانستان انسان حقلری فعاللری‌دن شکل‌لنگن، انسان حقلری فعاللری بیرلشمه‌سی، لاهه خلق‌ارا محکمه‌سی نینگ طالبان رهبری حبسگه آلینیشی حقیده‌گی قرارنی خوش قرشی‌لدی.
اوشبو بیرلشمه تامانیدن نشر اېتیلگن بیانات‌ده، طالبان نینگ جنسیت‌گه اساس تبعیضی یانیده، بو حاکمیت نینگ جبری کوچ‌لنتیریش کبی قیلمیش‌لری هم تیکشیریلیشی تاکیدلنگن.
بو بیانات بیر بولیمیده کېلیشیچه” طالبان اۉتگن ۲۰ ییل اینقسه مملکتنی باسیب آلگنیدن کیین تورلی خیل جنایت‌لر جمله‌دن، جمعی اۉلدیریش، جبری کوچ‌لنتیریش، ییرلر و عامه سرمایهلرنی غصب اېتیش، آدم اوغیرلش، ناقانونی حبسگه آلیش، شکنجه، قومی و مذهبی تبعیض و فرهنگی بارلیکلرنی یۉق اېتیش‌گه قۉل اۉرگن.”
افغانستان انسان حقلری فعاللری بیرلشمه‌سی، لاهه محکمه‌سی نینگ بو قراری افغانستان‌لیک عیاللر کوره‌شیشلری نتیجه‌سی دېب تاکید قیلگن.
ایتیش کېره‌ک که لاهه محکمه‌سی نینگ طالبان رهبری هیبت الله آخندزاده و بو حاکمیت باش قاضی‌سی عبدالحکیم حقانی حبسگه آلینیشی حقیده‌گی قراری انسان حقلری فعاللری تامانیدن خوش قرشی‌لندی.
