فاریاب ولایتی نینگ اندخوی اولسواللیگیده، بو اولسواللیک تاریخی تۉغریسیده یازیلگن کتاب نینگ تقدیمات مراسمی اۉتکزیلدی.
دیمک تانیقلی یازووچی، تدقیقاتچی و شاعر استاد غلام سخی وکیلزاده اندخویی قلمی‌گه منسوب «اندخوی تاریخی» ناملی کتابی نینگ تانیشتیریش مقصد طنطنلی بیر احتفال اۉتکزیلگن.
بو ییغین‌ده فاریاب و جوزجان ولایتلریدن، فرهنگی‌لر، یازووچی‌لر و شاعرلر کینگ اشتراک قیلگن.
احتفالده کتاب یازوچیسی غلام سخی وکیلزاده اندخویی جنابلری نینگ علمی ایشلری هم بیر آلقیشنامه آرقه‌لی قدرلنگن.
خلق‌میزنینگ تانیقلی شاعر، یازووچی و تدقیقاتچیسی حرمتلی غلام سخی وکیلزاده جنابلری، اۉزبېک تی‌وی بیلن بۉلگن صحبت‌لریده، یقین‌ده تانیشتیریلگن «اندخوی تاریخی» ناملی کتابی تۉغریسیده معلومات بېره‌دی.
جناب وکیلزاده گه کۉره، بو کتاب‌ده اندخوی نینگ تاریخ ایچیده اندخوی یوز بېرگن سیاسی اوزگریش‌لر همده تاریخده اندخوی اۉرینی تۉغریسیده تۉلیق معلومات بېریلگنی یانیده، بو منطقه نینگ عرف‌وعادتلری، مدنیتی و بارلیکلری شونینگدېک اجتماعی و اقتصادی احوالی هم تۉلیق تانیشتیریلگن.
