بیرلشکن ملتلر تشکیلاتی نینگ عیاللر بۉلیمی، ینه بیربار افغانستان قیزلری کېله‌جگیدن خواطر بیلدیردی.
بو تشکیلات تامانیدن یقین‌ده نشر اېتیلگن بیاناتده، افغانستان قیزلری اۉقیش‌دن محروم اېتیلیشی دوام اېتگن تقدیرده، آغیر عاقبت‌لرنی اۉرته‌گه آلیب کېلیشی ممکن دېب آگاه‌لنتیریلگن.
اوشبو تشکیلات نینگ یازیشیچه “افغانستان قیزلری اۉقیش‌دن محرومیتی دوام اېتیشی، اولر آره‌سیده ۲۵ فایز باله‌لر تورموش قوریشی، ۴۵ فایز یاشلر حامله‌دار بۉلیشی و ۵۰ فایز هم آنه‌لر اۉلیمی واقعه‌لرینی کۉپه‌یتیره‌دی.”
بیرلشکن ملتلر تشکیلاتی نینگ عیاللر بولیمی اوشبو آغیر عاقبت‌لرنی نظرگه توتگن حالده، افغانستان قیزلری اۉقیشی برابریده‌گی چیکلاولر تیزلیک بیلن بیکار قیلینیشی کېره‌ک دېب بیلدیرگن.
