اۉزبېک تی‌وی اختیاریده قرار تاپکن معلومات‌لرگه کۉره، انقره شهریده بوگون و اېرته شنبه و یکشنبه کونلری، افغانستان‌گه عاید مهم ملاقات‌لر بۉلیب اوته‌دی.
منبع‌لرنینگ ایتیشیچه، افغانستان ملی اسلامی جنبش حزبی رهبری مارشال عبدالرشید دوستم بوگون شنبه، ۱۳ – دلو دنیا هم‌جمعیتی نینگ وکیللری بیلن ملاقات اۉتکزه‌دی.
شونینگدېک، مارشال دوستم بیلن ملاقات اۉتکزگن دنیا وکیللری، اېرته افغانستان‌نی قوتقریش اوچون ملی مقاومت کېنگشی باشقه اعضالری بیلن علیحده ملاقات اۉتکزیشینی معلوم قیلگن، بو حقده معلومات بېرگن منبعلر.
عینی حالده، ایریم معلومات‌لر بو ملاقات‌ده پاکستان وکیللری حضوری بارلیگینی هم ادعا قیلگن، بیراق بیر قنچه فعاللر بو مساله‌نی رد قیلماقده دیر.
ایتیش کېره‌ک که مارشال دوستم انیق قیسی مملکتلر وکیللری و بو وکیللر قیسی سطح‌ده بۉلگنی هلی‌گچه بیللی اېمس. مارشال دوستم و ملی مقاومت کېنگشی هم بو ملاقات‌لر حقیده بیران تفصیلات بېرمه‌گن.
ایتیلیشیچه، ملاقات‌لر یاپیق ایشک‌لر آرقه‌سیده سِری اۉتکزیله‌دی.
