تورکیه مملکتی نینگ تشقی ایشلر وزیری خاقان فیدان رسمی بیر تشریف بیلن قطر مملکتیگه سفر قیلیب، بو مملکت تشقی ایشلر وزیری محمد بن عبدالرحمن آل ثانی بیلن اوچرهشگن.
تورکیهلیک یېتکیرمهلر تامانیدن نشر اېتیلگن خبرلرگه کۉره، اوشبو اوچرهشووده ایکی مملکت سوریه و فلسطین احوالی حقیده همکارلیکلرینی آشیریشگه علاوه، بیرگهلیکده ترورچیلیککه قرشی کورهش مسالهسی تۉغریسیده هم بحث قیلگن.
تورکیه و قطر مملکتلری سوریه مملکتی برابریدهگی خلقارا تحریملر بیکار قیلینیشی و فلسطینده آتیش-کېسین یخشیلب عملگه آشیریلیشی اوستیده تاکید قیلگنلر.
ایتیش کېرهک که تورکیه و قطر اخیرگی ییللر ایچیده، بیر بیراوی بیلن یخشی مناسبتده بۉلگن مملکتلر جملهسیدن دیر.
