پروان ولایتیده طالبان خوفسیزلیک قومندان‌لیگی نینگ تصدیق‌لشیچه، بو حاکمیت حربی کوچلری بیر عملیات یۉلگه قوییب ایکی کیشی‌نی اۉلدیرگن و اوچ کیشی‌نی هم حبسگه آلگن.
طالبان بو شخص‌لرنی بو گروه‌گه قرشی قورالی هجوم قیلیشگه عیب‌لگن.
طالبان نینگ ادعا قیلیشیچه، بو عملیات عاقبتیده اۉلدیریلگن و حبسگه آلینگن شخصلر، طالبان نینگ پروان ولایتی عامه منفعت‌لر ریاستی‌گه تېگیشلی منطقه‌لردن بیری‌ده، راکته هجوم‌نی ریجه‌لشتیرگن اېکن.
ایتیلیشیچه طالبان اوشبو عملیات‌نی پروان ولایتی نینگ «جنگل باغ» ناملی منطقه‌سیده اۉیوشتیرگن.
ایتیش کېره‌ک که طالبان اوچ یریم ییل ایچیده کۉپلب انسان‌لرنی بو گروه حاکمیتی‌گه قرشی توریش‌گه عیب‌لب اۉلدیرگن و کۉپینچه‌نی هم حبسگه آلگن.
