اۉزبېک تی‌وی معلوماتی اساسیده، اخیرگی وقتلر ایچیده طالبان رهبری، بو حاکمیت مقاملری برابریده جدی چیکلاولر یره‌تگن.
ایریم منبع‌لرنی روایتی اساسیده، اۉزبېک تی‌وی اختیاریده قرار تاپکن معلومات‌لرنی بیلدیریشیچه، طالبان رهبری تامانیدن بو حاکمیت رسمی‌لری‌گه چیت‌ایل‌گه سفر قیلمسلیکلری توشینتیریلگن.
بو چیکلاو ابلاغ اېتیلگن مقاملر، طالبان نینگ کابینه اعضالری شامل مرکزی حکومت رسمی‌لری یانیده، ولایتلرده‌گی مقاملری هم شامل دیر.
طالبان رهبری بو مساله‌نی جدی تیکشیریش اوچون کابل قونلغه‌سی کبی، سفر قیلیش مکان‌لرده اۉز کوچلرینی ییرلشتیریب، طالبان مقاملرینی سفر قیلیشی آلدینی آلیش‌گه اولگورماقده‌لیگی هم اَیتیله‌دی.
اوشبو چیکلاولر شوندی بیرحالده قۉلگه آلینماقده دیر که اخیرگی وقتلر، طالبان حاکمیتی ایچیده ایچکی قرمه-قرشی‌لیکلر کۉپه‌یگن.
طالبان حاکمیتی ایچیده‌گی مذکور احوال سبب، یقین وقتلرده بو حاکمیت رهبری‌دن آچیق تنقیدده بۉلگن طالبان تشقی ایشلر وزیرلیگی نینگ سیاسی اۉرین باسری شیرمحمد عباس استانکزی، افغانستان‌نی ترک قیلدی.
طالبان بو مقامی افغانستان‌دن قاچیب چیققنی ایتیلسه‌ده، بیراق حاضرگه قدر بو مساله طالبان تامانیدن رسمی تَن آلینگن اېمس.
بونگه قوشیمچه، طالبان ایچکی ایشلر وزیرلیگی نینگ سرپرستی و حقانی گروهی نینگ ییتکچیسی سراج الدین حقانی هم، کمیده ایکی هفته‌دن بویان بیرلشکن عرب امیرلیگی‌دن افغانستان‌گه قیتیب کېلمه‌گنی معلوم قیلینگن.
