طالبان نظارتی آستیده بۉلگن افغانستان مرکزی بانکی، اېرتە چهارشنبه، ۱۷- دلو، ۲۵ میلیون دالر بازارگه ترقه‌تیلیشینی اعلام قیلدی.
بو بانک تامانیدن ایکس صحیفه‌سیده نشر اېتیلگن بیانات‌گه اساس، اوشبو دالر لیلام آرقه‌لی ساتیله‌دی.
طالبان بو دالرلرنی افغانی پول بهاسینی اسره‌ش مقصدیده لیلام قیلماقده دیر.
دېیرلی اخیرگی وقتلر ایچیده افغانی پول نرخی امریکالیک دالر برابریده جدی برقرارسیزلیکلرنی باش‌دن کیچیرماقده دیر.
اخیرگی هفته‌لر ایچیده امریکالیک بیر دالر ۶۹ افغانی‌دن ۸۰ افغانی‌گه قدر کوتاریلدی و حاضر اېسە ۷۵ افغانی اطرافیده المشتیریلماقده دیر.
افغانستان اوچون بۉلگن امریکا قوشمه ایالتلری نینگ انسان‌پرورلیک یاردملری تۉخته‌تیلگنی سبب، افغانستان مالی بازارلریده‌گی اوشبو وضعیت‌نی طالبان صراف‌لر و پولی سودالر اوستیده یره‌تگن جدی باسیم‌لر و چیکلاولر آرقه‌لی باشقیریش‌گه اولگورماقده.
