اسپانیا فوتبال لیگه‌سی یا ده «لالیگا» بیله‌شوولری دوامی اۉتگن کیچه اۉتکزیلگن تۉرت اۉیین‌ده، جماعه‌لر بیر بیراوی‌گه قرشی کوچ سینه‌شدی.
اوشبو اۉیین‌لردن مهمی ریال مادرید و اتلتیکو مادرید بیله‌شووی اېدی که «دربی مادرید» نامی بیلن تانیلگن بو بیله‌شوو ۱ – ۱ حسابیده یکونلندی.
اتلتیکو مادرید گول‌نی خولین آلوارز ۳۵ دقیقه‌ده پنالتی چیزیغی‌دن و ریال مادرید گول‌نی اېسه کلیان امباپه ۵۰ – دقیقه‌ده اۉردی.
اوشبو نتیجه اساسیده، ریال مادرید و اتلتیکو مادرید جماعه‌لری لالیگا جاری موسومی نینگ بیرینچی و ایکینچی اۉرین‌نی سقله‌دی و حاضر ریال مادرید ۵۰ امتیازلیک و اتلتیکو مادرید اېسه ۴۹ امتیازلیک دیر.
البته دربی مادرید بو نتیجه‌سی، لالیگا جدول نینگ اوچینچی جماعه‌سی بارسلونا طلبی‌گه ماس اېدی و بو بیلن بارسلونا جدول تیپه‌سیگه قیتیش اوچون کۉپراق امکانیت‌گه ایگه بۉلدی.
بارسلونا فوتبال جماعه‌سی بو کیچه سویا جماعه‌سی بیلن بۉلگن اۉیین‌دن غالب چیققن تقدیرده، ۴۸ امتیازلیک بۉله‌دی و رقیب‌لری بیلن مصافه‌سی کم قاله‌دی.
ایتیش کېره‌ک که اۉتگن کیچه اۉتکزیلگن لالیگا باشقه اۉیین‌لریده، سلتاویگو ۳-۲ حسابیده ریال بتیس برابریده، اتلتیکو بیلباوو ۳ – ۰ خیرونا برابریده و ویا ریال اېسه ۲ – ۱ لاس پالماس برابریده غلبه قازاندی.
