داعش گروهی تامانیدن کندوز ولایتیده قانلی هجوم اۉیوشتیریلیشی‌دن بیر کون اوتمه‌ی، طالبان افغانستان‌ده داعش گروهی بارلیگینی انکار قیلماقده دیر.
طالبان تشقی ایشلر وزیرلیگی نینگ ادعا قیلیشیچه، داعش افغانستان‌ده بوتونله‌ی نابود اېتیلگن.
طالبان تشقی ایشلر وزیرلیگی بو مساله‌نی، پاکستان رسمی‌لری نینگ افغانستان‌ده ترورچی گروه‌لر حضوری‌دن بیلدیرگن خواطری‌گه واکنش کۉرسه‌تیب اعلام قیلگن.
طالبان تشقی ایشلر وزیرلیگی نینگ ادعا قیلیشیچه، داعش افغانستان‌ده حضوری یۉق دیر و افغانستان‌ده هیچ بیر گروه باشقه مملکتلرگه قرشی فعالیت قیلمه‌یدی.
طالبان بو ادعاسی شوندی بیرحالده دیر که داعش اخیرگی اوچ ییل ایچیده، افغانستان تورلی منطقه‌لریده اۉلیملی هجوملرنی اۉیوشتیرگن. مذکور گروه اۉتگن کون سه‌شنبه، ۲۳ – دلو کندوز ولایتیده بیر هجوم اۉیوشتیردی.
اوشبو هجومده، تینچ اهالی و طالبان جنگری‌لری جان بېردی.
