افغانستان خصوصیده ویانا ییغین نینگ بیشینچی دوری اۉتکزیلیشی مقصد تیارگرلیکلر آلینماقده دیر.
بو حقده نشر اېتیلگن معلومات‌لرگه کۉره، اوشبو ییغین ۳۰- دلو و ۱ – حوت اۉتکزیلیشی ریجه‌لشتیریلگن و بو ییغین‌ده افغانستان‌گه عاید مساله‌لر تیکشیریله‌دی.
ایتیلیشیچه بو ییغین‌ده، افغانستان سابق سیاسی سیمالری و انسان حقلری فعاللریدن تشکیل تاپکن ۱۰۰ گه یقین کیشی چقیریلگن.
شونینگدېک مذکور ییغین‌ده، طالبان‌دن کیین افغانستان حاکمیتی قندی بۉلیشی حقیده‌گی یۉل خریطه‌سی تیکشیریلیشی هم بیلدیریلگن.
ایتیش کېره‌ک که افغانستان‌ده طالبان حاکمیت‌گه قیتیشی‌دن کیین ویانا شهری دواملی تۉرت ییغین‌دن میزبانلیک قیلگن و بو ییغین‌لردن بیری‌ده طالبان هم اشتراک قیلگن اېدی.
