جوزجان ولایتی نینگ شبرغان شهری‌دن بۉلگن اۉزبېک تی‌وی منبع‌لری نینگ ایتیشیچه، بو شهر ایریم منطقه‌لریده طالبان تامانیدن اوی تلاشی‌لری باشلنگن.
اۉزبېک تی‌وی منبع‌لری نینگ تصدیق‌لشیچه، طالبان بو دور اوی تلاشی‌لرینی کۉپینچه «قره‌کینت» منطقه‌سی و اونینگ اطرافیده قره‌تگن.
دیمک «قره‌کینت» منطقه‌سی جوزجان ولایتی سابق والیسی و افغانستان ملی اسلامی جنبش حزبی نینگ ییریک قومندان‌لریدن، هاشم ریس نینگ منطقه‌سی دیر. طالبان شو باعث بو منطقه‌ده کۉپراق حربی گمان قیلگنی اَیتیله‌دی.
منبع‌لر تامانیدن بیریلگن معلومات اساسیده، اوشبو تلاشیلر تیناوون دوشنبه، ۲۹ – دلو بجریلگن.
حاضرگه قدر طالبان نیمه مقصد، هاشم ریس منطقه‌سیده گمان‌لنیب و اوی تلاشی‌لرینی باشله‌گنی انیق بیللی اېمس و طالبان بو اوی تلاشی‌لری حقیده هم تفصیلات بېرمه‌گن.
ایتیش کېره‌ک که طالبان حاکمیت‌نی قۉلگه آلگندن بیری نیچه مراتبه افغانستان تورلی منطقه‌لریده اوی تلاشی‌لرینی باشله‌گن. طالبان بو ایش‌دن اساسی مقصد خوفسیزلیک تامین‌لنیشی دېب اعلام قیلگن بۉلسه هم. بیراق طالبان بو حرکتی جدی تنقیدلرنی اۉرته‌گه آلیب کېلگن.
طالبان اوی تلاشی دوامیده عایله‌لرنی شخصی مساله‌لریگه حرمت قیلمه‌گنی، اوشبو اساسی تنقیدلردن بیری دیر.
