کندوز ولایتیدن بۉلگن منبع‌لرنینگ اۉزبېک تی‌وی‌گه تصدیق‌لشیچه، بو ولایت امام صاحب اولسواللیگیدن، عنایت الله بتاش ناملی بیر ییگیت، طالبان تامانیدن حبسگه آلینگن.
بو ییگیت نینگ ایناغه‌سی فضل الرحمان بتاش، اۉزبېک تی‌وی گه ایتیشیچه، طالبان عنایت الله بتاش‌نی دوشنبه کونی، ۲۹ – دلو حبسگه آلگن.
حاضرگه قدر طالبان بو شخص‌نی نیمه عیبلاو بیلن قۉلگه آلگنی بیللی اېمس و بو حقده اونینگ عایله‌سیگه هم معلومات بېرمه‌گن دېدی عنایت الله بتاش ایناغه‌سی فضل الرحمان بتاش.
شونینگدېک جناب بتاش، بو حقده واسطه‌چیلیک قیلیش اوچون منطقه دین عالم‌لرینی هم طالبان یانیده یوبارگنلرینی ایتیب، طالبان حاضرگه قدر دین عالم‌لری سۉزلرینی هم قبول قیلمه‌ی، عنایت الله بتاش‌نی قماقده اسره‌ب کېلماقده دیدی.
دیمک عنایت الله بتاش هیچ بیر سیاسی و حربی جریان بیلن علاقه‌ده بۉلمه‌ی و یالغیز فرهنگی فعالیت قیلیب کېلگنی اَیتیلماقده دیر.
ایتیلیشیچه طالبان کوچلری عنایت الله بتاش‌نی اویی‌دن چیقاریب آلیب کېتیش چاغیده، بو ییگیت بیلن یامان یانده‌شووده بۉلگن.
کندوز ولایتیده طالبان محلی رسمی‌لری بو حقده بیران تفصیلات بېرگن اېمس.
