اوکراین جمهور باشلیغی ولادیمیر زیلینسکی، تورکیه نینگ باشکینتی انقره‌گه سفر قیلیب، بو مملکت جمهور باشلیغی رجب طیب اردوغان بیلن اوچره‌شدی.
اوچره‌شووده ایکی تامانلمه علاقه‌لرگه قوشیمچه، اوکراین اوروشی و بو اوروش یکونلنیشی مقصدیده بۉلگن سۉزلشوولر حقیده صحبت قیلینگن.
تورکیه جمهور باشلیغی رجب طیب اردوغان، بو مملکت اوکراین اوروشی یکونلنیشی مقصدیده بۉلگن، امریکا قوشمه ایالتلری، روسیه و اوکراین سۉزلشوولریدن، میزبان‌لیک قیلیش‌گه تیار دېب اعلام قیلدی.
عینی حالده تورکیه جمهور باشلیغی، بو مملکت اوکراین‌ده تینچ‌لیک و برقرارلیک تامین‌لنیشی مقصدیده بۉلگن، اینتیلیش‌لرنی قوللب-قوتله‌شینی اورغوله‌گن.
بو اوچره‌شوو شوندی بیرحالده دیر که بوگون سه‌شنبه، ۳۰ – جدی، سعودی عربستان مملکتیده، اوکراین اوروشی تۉغریسیده، امریکا و روسیه یوقاری مرتبه‌لی وکیللری آره‌سیده، سۉزلشوو اۉتکزیلدی.
