بیرلشکن ملتلر تشکیلاتی نینگ انسان‌پرورلیک یاردملرینی هماهنگلشتیریش اداره‌سی یا ده «اوچا» سه‌شنبه کونی ۳۰ – دلو، نشر قیلگن گزارشی‌ده، افغانستان‌ده‌گی انسان‌پرورلیک یاردملر اوستیده، طالبان اره‌لشیشی جدی‌لشگنیدن خبر بېردی.
بو تشکیلات نینگ اعلام قیلیشیچه، جاری میلادی ییل افغانستان‌ده، طالبان اره‌لشیشی عاقبتیده، ۵۶ انسان‌پرورلیک لایحه تۉخته‌تیلگن.
دېیرلی بو لایحهلر افغانستان جمعیتی جمله‌سیدن، یریمی‌دن کۉپراق دوچ بۉلیب تورگن آغیر اقتصادی وضعیت‌گه ییتیشیش اوچون قره‌تیلگن دیر.
طالبان حاضرگه قدر اوچا نینگ بو گزارشی تۉغریسیده مناسبت بیلدیرگن اېمس. بیراق بوندن ایلگری طالبان انسان‌پرورلیک یاردملریگه اره‌لشمسلیگینی ادعا قیلگن اېدی.
ایتیش کېره‌ک که اخیرگی اوچ – یریم ییل ایچیده، بیر قنچه مراتبه بوندی گزارش‌لر نشر بۉلیب، طالبان افغانستان خلقی اوچون بۉلگن انسان‌پرورلیک یاردملرنی اۉز منفعت‌گه ایشله‌تدی دېب بیلدیریلگن.
