پاکستان باش وزیری نینگ اۉرین باسری و بو مملکت تشقی ایشلر وزیری اسحاقدار ینه بیربار افغانستان توپراغی‌دن پاکستان‌گه قرشی ایش آلینیشینی ادعا قیلدی.
پاکستان‌لیک بو ییریک مقام، تورکیه نینگ «تی‌رتی» یېتکیرمه‌سی بیلن بۉلگن صحبت‌لریده، بو مساله‌نی تیلگه آلگن.
شونینگدېک پاکستان تشقی ایشلر وزیری، طالبان‌دن افغانستان‌ده پاکستان‌گه قرشی بۉلگن ترورچیلیک فعالیتی‌گه رخصت بېرمس‌لیگینی طلب قیلگن.
عینی حالده، اسحاقدار پاکستان افغانستان‌ده تینچ‌لیک و برقرارلیک تامین‌لنیشینی خواهلهیدی دېب بیلدیردی.
ایتیش کېره‌ک که پاکستان اخیرگی اوچ – یریم ییل ایچیده، کۉپلب مراتبه اوشبو تۉغریده خواطر بیلدیرگن، بیراق طالبان اېسه بو مساله‌نی رد اېتیب کېلماقده دیر.
