طالبان باش وزیری اقتصادی اۉرین باسری عبدالغنی برادر باشچیلیگیده بۉلگن بو حاکمیت ییریک هیاتی، اۉزبېکستان‌گه سفر قیلیب، بو مملکت باش وزیری اۉرین باسری جمشید خواجه‌یف بیلن اوچره‌شگن.
طالبان اقتصادی اۉرین باسرلیگی تامانیدن نشر اېتیلگن بیانات‌گه کۉره، اوشبو اوچره‌شووده، ایکی تامانلمه همکارلیکلر اینقسه سوداگرلیک، صناعت و برق مساله‌لری تۉغریسیده‌گی همکارلیکلر محاکمه اېتیلگن.
طالبان اقتصادی اۉرین باسرلیگی تامانیدن نشر اېتیلگن بیانات نینگ بیر بولیمیده کېلیشیچه “اوچره‌شووده اۉزبېکستان مرکزی بانکی تامانیدن افغانستان‌لیک سوداگرلیک پول انتقال بېریشی خصوصیده قوله‌یلیکلر یره‌تیلیشی و افغانستان مرکزی بانکی ظرفیت‌لرینی کوچه‌یتیریش ساحه‌سیده اۉزبېکستان همکارلیگی طلب قیلیندی.”
ایتیش کېره‌ک که اۉزبېکستان طالبان حاکمیت‌نی رسمیت‌گه تَن آلگن بۉلمسه هم بیراق بو حاکمیت بیلن یخشی علاقه‌ده بۉلگن مملکتلر جمله‌سیدن دیر و اقتصادی مساله‌لر اېسه بو مناسبت‌لرنی دقت مرکزی‌ده دیر.
