افغانستان فدرالچی‌لر توپلنمه‌سی نینگ اعلام قیلیشیچه، اتریش مملکتی نینگ وین شهریده، افغانستان مساله‌سیگه تېگیشلی بیر ییغین اۉتکزیله‌دی.
دېیرلی بو ییغین «فدرالیسم؛ افغانستان‌ده اجتماعی عدالت، تینچ‌لیک و برقرارلیک تامین‌لنیشی یۉلی» عنوانی آستیده، فبروری آیی نینگ ۲۷ -و ۲۸ – کونلری اۉتکزیلیشی ریجه‌لشتیریلگن.
اوشبو ییغین‌ده افغانستان‌ده فدرالی سیاسی تیزیم اۉرته‌گه کېلیشی اهمیت و ایجابی عاقبت‌لری شونینگدېک بو تیزیم نینگ افغانستان و باشقه مملکتلر اوچون تاثیری حقیده بحث اېتیلیشی معلوم قیلیندی.
افغانستان فدرالچی‌لر توپلنمه‌سی تامانیدن نشر اېتیلگن بیانات‌ده کېلیشیچه “بو ییغین‌ده افغانستان فدرالچی‌لر توپلنمه‌سی اعضالری، ایش بیلرمان‌لر، بیلیم یورتی استادلری، سیاستچی‌لر و مدنی فعاللر بیرگه‌لیکده، قدرت و ثروت‌نی نامتمرکز اېتیلیشی، افغانستان‌ده فدرالی تیزیم اۉرته‌گه کېلیشی، بو تیزیم نینگ افغانستان همده منطقه و جهان اوچون بۉلگن تاثیرلری و حاضرگی وضعیت‌دن چیقیش یۉللری کبی مساله‌لرنی تیکشیره‌دیلر.”
ایتیش کېره‌ک که طالبان قۉلی‌ده توشیب قالگن افغانستان؛ حاضرگی سیاسی تقدیرسیزلیک بیرحالده دوام اېتماقده دیر انه شو سبب، مملکت کېله‌جگی اوچون تورلی خیل سیاسی تیزیم‌لر تکلیف اېتیلیب، تیکشیریلماقده.
