فاریاب ولایتی بلچراغ اولسواللیگیده‌گی دینی مدرسه‌لردن بیری نینگ طلبه‌لریدن اوچ کیشی گازدن زهرلنگن.
اۉزبېک تی‌وی منبع‌لری نینگ تصدیق‌لشیچه، بو واقعه عاقبتیده گازدن زهرلنگن ایکی کیشی جان بېریب، بیرته‌سی تیریک قالگن.
اوشبو واقعه دوشنبه‌دن سه‌شنبه‌گه اوتر کیچه‌سی، بلچراغ اولسواللیگی نینگ «کولیان» ناملی منطقهسیده یوز بېرگن.
اۉزبېک تی‌وی اختیاریده قرار تاپکن معلومات‌لرده، واقعه قربان‌لریدن جان محمد و احمدشاه دېب آت توتیلگن.
دېیری بو شخص‌لر اوی‌نی ایسیتیش اوچون تاش کومیردن ایش آلگن اېکن که اوندن چیققن گازدن زهرلنگن.
ایتیش کېره‌ک که قیش موسووی ییتیب کېلیشی بیلن افغانستان بویلب بو کبی واقعه‌لر یوز بېریب اهالی‌دن قربان‌لیک آلماقده دیر.
