پاکستان باش وزیری شهباز شریف، اۉزبېکستان‌گه سفر قیلیب، بو مملکت یوقاری مرتبه‌لی رسمی‌لری، جمله‌دن جمهور باشلیغ شوکت میرضیایف، تامانیدن قیزغین کوتیب آلیندی.
اوشبو سفر جریانیده بوگون چهارشنبه، ۸- حوت، اۉزبېکستان و پاکستان رهبرلری آره‌سیده اوچره‌شوو هم بۉلیب اوتدی.
اوچره‌شوو چاغیده، ایکی تامانلمه همکارلیکلر تۉغریسیده‌گی صحبت‌لرگه قوشیمچه، ایکی مملکت رسمی‌لری آره‌سیده مهم شرطنامه‌لر هم امضالنگن.
شونینگدېک اۉزبېکستان و پاکستان دولت رهبرلری، ایکی مملکت آره‌سیده‌گی «بزنس فورمی» آچیلیش مراسمی‌ده هم اشتراک قیلگن.
اۉزبېکستان جمهورلیک ریاست مطبوعات بولیمی تامانیدن نشر اېتیلگن بیاناتده، ایکی مملکت رهبرلری آره‌لریده تورلی ساحه‌لرده‌گی همکارلیکلر کوچه‌یشینی تاکید قیلگنلر.
اۉزبېکستان جمهورلیک ریاست سرایی نینگ بو حقده اعلام قیلیشیچه، حاضر اۉزبېکستان و پاکستان آره‌سیده سوداگرلیک حجمی ۴۰۰ میلیون دالرگه ییتیشگن و ۱۳۰ گه یقین قوشمه کارخانه‌لر هم فعالیت قیلماقده دیر که بو رقم اۉزبېکستان پاکستان نینگ اۉرته آسیاده‌گی استراتیژیک شریک‌گه اَیلنیشی‌گه سبب بۉلگن.
