تورخم چیگره‌سی هر قندی باریب-کېلیش یوزی‌گه باغلنیشی دوام اېتر اېکن، طالبان و پاکستان رسمی‌لری بو چیگره تقدیری حقیده سۉزلشوو باشله‌گن.
بو حقده نشر اېتیلگ خبرلرگه کۉره، طالبان و پاکستان رسمی‌لری بوگون یکشنبه، ۱۲ – حوت، تورخم چیگره‌سی آچیلیشی حقیده سۉزلشوولرنی باشله‌گن.
حاضرگه قدر اوشبو سۉزلشوو نتیجه‌سی تۉغریسیده تفصیلات بېریلگن اېمس.
ایتیش کېره‌ک که طالبان و پاکستان رسمی‌لری بوندن ایلگری هم، تورخم چیگره‌سی آچیلیشی خصوصیده ییغین اۉتکزگن اېدی. بیراق بو سۉزلشوولر نتیجه‌سیز یکونلنگن.
دیمک یقین اۉن کون‌دن بیری تورخم چیگره‌سی باغلیق قالگنی، سوداگرلیک ساحه‌سیده جدی زیان‌لر اۉرته‌گه آلیب کېلگن.
