تخار ولایتیدن بۉلگن بیر قنچه فعاللر اجتماعی صحیفه‌لرده یازیشیچه، بو ولایتده بیر ییگیت طالبان تامانیدن کلتک‌لنیب اۉلدیریلگن.
بو حقده نشر اېتیلگن معلومات‌لرده، مذکور ییگیتدن قاری ناصر فرخاری دېب آت توتیلگن.
ایتیلیشیچه قاری ناصر فرخای بوندن بیر نیچه کون ایلگری، طالبان تامانیدن حبسگه آلینگن اېکن که اۉلدیریلگندن کیین جسدی عایله‌سیگه تاپشیریلگن.
اجتماعی صحیفه‌لرده فعاللر، بو ییگیت نینگ جنازه مراسمی‌دن صورت‌لر نشر قیلیب، اۉتگن کون شنبه، ۱۱ – حوت توپراققه تاپشیریلگنینی اعلام قیلماقده دیر.
طالبان حاضرگه قدر بو واقعه تۉغریسیده تفصیلات بېرمه‌گن.
ایتیش کېره‌ک که بوندن ایلگری هم طالبان جنگری‌لری قۉلی‌ده محبوس‌لر هلاک اېتیلگنی خبر قیلینگن اېدی.
