تورکیه تشقی ایشلر وزیری خاقان فیدان، اوکراین حقیده اروپالیک مملکتلر رهبرلری ییغینیدن کیین، بو ییغین خصوصیده تفصیلات بېرگن.
تورکیه تشقی ایشلر وزیری، امریکا قوشمه ایالتلری جمهور باشلیغی دونالد ترامپ نینگ اوکراینگه قرشی یاندهشووی، اوکراین خصوصیده مملکتلر آرهسیده، ایریم قرمه-قرشیلیکلرنی اۉرتهگه آلیب کېلگنینی بیلدیریب، بو وضعیت اروپالیک مملکتلر رهبرلری ییغینیده سیزیلگنینی تیلگه آلگن.
شونینگدېک تورکیهلیک یېتکیرمهلری تامانیدن نشر اېتیلگن خبرلرگه کۉره، تورکیه تشقی ایشلر وزیری، اوکراینده تینچلیک تامینلنیشی مقصدیده، قۉلگه کېلیشی کوتیلگن هر قندی تینچلیک کیلیشووی اوچون، تورکیه رولی اهمیتلی دېب اعلام قیلگن.
ایتیش کېرهک که امریکا قوشمه ایالتلری بیلن اوکراین مناسبتلری بیراز یامانلشگنی آرتیدن، اروپا مملکتلری، اوکرایننی کۉپراق قوللب-قوتلشگه اولگورماقده دیر.
