تخار ولایتیده ۉزبېک تیوی منبعلری بو ولایتده، سابق حربیلردن ینه بیر کیشی اۉلدیریلگنی اَیتهدی.
معلوماتلرگه کۉره، حاجی حیات الله نوری ناملی بو شخص، افغانستان سابق حربیلری اعضاسیدن بۉلیب و طالبان دوریده هم، تالقان بلدیهسیده ایشلهیدی اېکن که بیر کون یوقالگندن کیین جسدی «خسکپه» منطقهسیدن تاپیلگن.
ایتیلیشیچه حیات الله نوری قویاش ۱۴۰۳ – ییلی ۵ – حوت یوقالهدی، کیین یکشنبه کونی ۶ – حوت جنازهسی تاپیلیب توپراققه تاپشیریلگن.
دیمک بو کیشی تالقان شهریگه قرهشلی «بیگ آباد» منطقهسی یشاوچیسی اېکن.
بو حقده اۉزبېک تیوی اختیاریده قوییلگن معلوماتلرگه کۉره، حیات الله نوری جنازهسی شوندی بیرحالده تاپیلگن که اونینگ اۉلدیرگن کیشیلر یانیدهگی پوللرینی هم آلمهی و سابق بو حربینی اۉلدیریب کېتگن.
حاضرگه قدر بو کیشی کیم تامانیدن و نیمه سبب اۉلدیریلگنی انیق بیللی اېمس.
