تورخم چیگره‌سیده طالبان و پاکستان کوچلری آره‌سیده تۉقنه‌شوو، ایکی کیچه‌دن بویان جدی دوام اېتماقده دیر.
اجتماعی صحیفه‌لرده اوشبو تۉقنه‌شوولردن نشر اېتیلگن ویدیولرده، ایکی تامان آره‌سیده جدی قورالی اوروش بۉلگنی کۉرسه‌تیلگن.
بو حقده نشر اېتیلگن ایریم خبرلرگه کۉره، اۉتگن کیچه یوز بېرگن بو تۉقنه‌شوو عاقبتیده طالبان جنگری‌لریدن اوچ ته‌سی هلاک بۉلگن.
شونینگدېک پاکستان کوچلری‌دن هم اوچ کیشی یره‌لنگنی خبر قیلینماقده دیر.
طالبان و پاکستان چیگره کوچلری آره‌سیده شوندی بیرحالده تۉقنه‌شوو یوز بېرماقده دیر که اوشبو چیگره یقین ایکی هفته‌دن بیری هر قندی باریب-کېلیش یوزی‌گه یاپیق قالماقده.
