بیرلشکن ملتلر تشکیلاتی انسان حقلری کېنگشی نینگ کمیساری ولکر ترک، افغانستان‌ده خاتین-قیزلر باش‌دن کیچیریب تورگن آغیر احوال‌دن ینه بیربار خواطر بیلدیردی.
بیرلشکن ملتلر تشکیلاتی بو ییریک مقامی نینگ تاکیدلشیچه، افغانستان‌ده خاتین-قیزلر دولت تامانیدن قوللب-قوتلنگن جنسیت اساسیده بۉلگن آپارتاید بیلن دوچ دیر.
ولکر تورک بیرلشکن ملتلر تشکیلاتی انسان حقلری کېنگشی نینگ ۵۸ – دور ییغینی‌ده نطق سۉزلب، بو حقده خواطر بیلدیرگن.
او همده افغانستان خاتین-قیزلری گواه بۉلیب تورگن وضعیت، دنیاده مثالی بۉلمه‌گنینی تاکیدلب ایتیشیچه “افغانستان‌ده خاتین-قیزلر اوی‌لریده حقیقی حبس اېتیلگن و اۉقیش، ایش‌لش و باریب-کېلیش کبی اساسی حقلری‌دن محرومیت‌گه سقلنماقده دیر.”
ایتیش کېره‌ک که طالبان اوچ –یریم ییل حاکمیتی دوریده، بو کبی تنقیدلرگه قرشی خاتین-قیزلر برابریده بۉلگن چیکلاولرینی جدی‌لشتیرگن.
