بیرلشکن ملتلر تشکیلاتی نینگ افغانستان‌ده‌گی نماینده‌لیگی یا ده «یوناما» بو تشکیلات خوفسیزلیک کېنگشی مارچ آیی اۉنینچی‌سیده، بیر ییغین آرقه‌لی افغانستان وضعیت‌نی تیکشیریشی‌دن خبر بېردی.
یوناما تامانیدن نشر اېتیلگن معلومات اساسیده، دنمارک باشچیلیگیده اۉتکزیلیشی کوتیلگن بو ییغین‌ده، افغانستان مساله‌سیگه قوشیمچه، یمن، سوریه و یقین شرق تینچ‌لیک جریانی تۉغریسیده هم بحث اېتیله‌دی.
ایتیلیشیچه اوشبو ییغین‌ده، بیرلشکن ملتلر تشکیلاتی باش کاتبی نینگ افغانستان‌ده‌گی مخصوص وکیلی رزا اوتنبایوا تامانیدن هم، افغانستان حقیده تیارلنگن بیر گزارش ترقه‌تیله‌دی.
دیمک بو ییغین شوندی بیرحالده دیر که بیرلشکن ملتلر تشکیلاتی نینگ افغانستان‌ده‌گی نماینده‌لیگی ماموریتی یکونلنماقده و یقین‌ده بو ماموریت دوامی اوچون هم قرار آلینیشی کوتیله‌دی.
