طالبان سۉزلاوچیسی ذبیح الله مجاهد، افغانستان‌ده بیرلشکن ملتلر تشکیلاتی نینگ نماینده‌لیگی یاده «یوناما» فعالیتی‌دن تنقید قیلدی.
طالبان سۉزلاوچیسی ژورنالیست‌لر بیلن شریک قیلگن بیاناتیده ادعا قیلیشیچه، یوناما افغانستان احوالی‌دن منفی/سلبی گزارش‌لر تیارلب، نشر قیلگن و بو اېسه بیرلشکن ملتلر تشکیلاتی نینگ زیانی‌گه هم تمام بۉلگن.
بو سۉزلر شوندی بیرحالده دیر که یوناما ماموریتی بیر نیچه کون ایچیده یکونلنه‌دی و بو تشکیلات فعالیتی نینگ دوامی، بیرلشکن ملتلر تشکیلاتی خوفسیزلیک کېنگشی نینگ قراری‌گه باغلیق دیر.
یوناما ییللردن بویان افغانستان‌ده فعالیت قیلیب کېلماقده و بو تشکیلات کۉپینچه‌سی سیاسی، اقتصادی و انسان حقلری وضعیت‌نی تیکشیره‌دی.
طالبان دوری‌ده یوناما نینگ فعالیتی بیر قنچه تنقیدلر بیلن یوز مه یوز بۉلسه‌ده، بیراق بو نهاد چارچوبه‌سیده میلیون‌لرچه کیشی‌گه انسان‌پرورلیک یاردملر ترقه‌تیلگن.
