افغانستان و خلق‌ارا انسان حقلری فعاللری و تشکیلاتلری بیرگه‌لیکده، طالبان انسان حقلرینی نقض اېتگنی باعث محکمه اېتیلیشینی قوللب-قوتله‌دی.
دېیرلی بو حقده بۉلگن مشترک بیانات، افغانستان و خلق‌ارا انسان حقلری تشکیلات‌لریدن تشکیل اېتیلگن ۵۰ دن آرتیق تشکیلات تامانیدن تیارلنگن.
انسان حقلری تشکیلات‌لریدن «رواداری» تشکیلاتی، اوشبو بیانات نشر قیلیب، جرمنی مملکتی افغانستان مدنی جماعه‌چیلیگی فعاللری نینگ بیر ییغینی‌دن میزبان‌لیک قیلگنینی هم اعلام قیلگن.
دیمک انسان حقلری فعاللری و تشکیلاتلری، جرمنی مملکتی تشقی ایشلر وزیرلیگی اوشبو ییغینی دایره‌سیده، مشترک بیانات تیارلب نشر قیلگن.
شونینگدېک رواداری تشکیلاتی تامانیدن نشر اېتیلگن اوشبو مشترک بیانات‌ده، طالبان انسان حقلری ایاغ آستی قیلگنی سبب‌لی محکمه‌گه تارتیلیشی خصوصیده، استرالیا، جرمنی، کانادا و هلند مملکتلری آرقه‌لی اۉرته‌گه تشله‌نگن جریان قوللب-قوتلنیب، اوشبو جریان‌ده، افغانستان‌لیک فعاللر و عیاللر هم اشتراک اېتیشی کېره‌ک دېب تاکید اېتیلگن.
مذکور فعاللر و تشکیلات‌لر اۉز بیانات‌لریده، خلق‌ارا محکمه‌سیده افغانستان‌گه قرشی بیر پرونده آچیلیشی اوچون زمینه یره‌تیلیشی‌گه هم امید بیلدیرگن.
محکمه اېتیش جریانی‌ده افغانستان‌لیک عیاللر اشتراکی
رواداری انسان حقلری تشکیلاتی تامانیدن نشر اېتیلگن مشترک بیانات‌ده، افغانستان خصوصیده بۉلگن قضایی جریان‌ده عیاللر حصه‌سی هم نظرگه توتیلیشی تاکیدلنیب، بو جریان یالغیز دولت‌لر و خلق‌ارا تشکیلات‌لر آرقه‌لی ایلگری آلیب کېتیلمسلیگینی بیلدیریلگن.
اوشبو بیانات نینگ بیر بولیمیده کېلیشیچه “بیز همده افغانستان انسان حقلری جماعه‌سی بیلن حضوری و آنلاین کۉرینیش‌ده مصلحت‌لر اۉتکزیلیشی و تۉلیق معنالی و تاثیرلی بحث‌لر بۉلیشینی خواهله‌یمیز. بو حقوقی آدیم اېسه افغانستان‌نی خلق‌ارا تعهدلر برابریده جوابگرلیککه تارتیش اوچون اوته مهم دیر.”
انسان حقلری فعاللری و تشکیلاتلری، طالبان‌گه قرشی اوشبو قضایی جریان‌ده، انیق مستندتوزاتیش، اونملی علاقه‌لرنی برقرار اېتیش و کېله‌سی حقوقی جریان‌لرده، افغانستان عیاللری حصه‌سی نظرگه توتیلیب، اولر حصه قوشیشی اوچون زمینه یره‌تیلیشی طلب قیلینگن.
عینی حالده، انسان حقلری فعاللری و تشکیلاتلری اوشبو جریان‌ده‌گی مشارکت‌لرنی کینگه‌یتیریش، بو جریان‌ده تینیق‌لیک یره‌تیش و اوندن حمایه‌لش زمینه‌لرینی کوچه‌یتیریش‌نی تکلیف قیلگن‌لر.
افغانستان عیاللری آغیر احوالی
رواداری تشکیلاتی تامانیدن نشر اېتیلگن مشترک بیانات‌ده، افغانستان و خلق‌ارا انسان حقلری فعاللری و تشکیلاتی، افغانستان‌ده خاتین-قیزلر باش‌دن کیچیرب تورگن احوال‌دن هم، خواطر بیلدیرگن.
اوشبو بیانات‌گه کۉره، طالبان افغانستان‌ده خاتین-قیزلرنی اۉقیش، ایشلش، سیاسی مشارکت همده ساغلیق خذمت‌لرگه قۉل تاپیشی برابریده چیکلاو یره‌تگن و جنسیت‌گه اساس زوره‌وانلیکلردن جبرلنگن عیاللرنی حمایه‌لش میکانیزم‌لرینی هم یۉق اېتگن.
شونینگدېک مذکور بیانات‌ده، طالبان بو یانده‌شووی‌گه قرشی ناراضلیک بیلدیرگن عیاللر اۉز باشیمچهلیک حبسگه آلینیش، ناقانونی اۉلدیریلیش و جبری یۉق اېتیلیش‌گه دوچ کېلگنی معلوم قیلینگن.
