جرمنی تشقی ایشلر وزیرلیگی افغانستان انسان حقلری و مدنی جماعه‌چیلیک فعاللری بیلن بیر ییغین اۉتکزیب، افغانستان‌ده دوام اېتیب تورگن انسان حقلری احوالینی محاکمه قیلگن.
بو ییغین دایره‌سیده، افغانستان‌لیک انسان حقلری فعالی فرخ‌لقا اونچی‌زاده، جرمنی تشقی ایشلر وزیری النالنا بربوک بیلن بۉلگن صحبتیده، افغانستان‌ده اۉزبېک-تورکلرگه قرشی بۉلگن طالبان تبعیض‌لری حقیده صحبت قیلگن.
خانم اونچی‌زاده بو حقده اۉزبېک تی‌وی گه ایتیشیچه “شو اوچره‌شوو جریانیده مین آلمان تشقی ایشلر وزیری بیلن صحبت قیلیب، افغانستان‌ده اۉزبېک-تورکمنلرگه قرشی بۉلگن تبعیض‌لرنی شریک قیلدیم، آلمان تشقی ایشلر وزیری طالبان ملیت‌لر برابریده بۉلگن تبعیضی باعث جوابگرلیککه تارتیلیشی اوچون سعی‌وحرکت قیلیش‌لرینی بیلدیردی.”
شونینگدېک خانم اونچی‌زاده اۉزبېک تی‌وی بیلن بۉلگن صحبت‌لریده، برلین‌ده اۉتکزیلگن ییغین‌ده، جرمنی تشقی ایشلر وزیری‌گه قوشیمچه کانادا، استرالیا و هلند مملکلتری وکیللری هم اشتراک اېتیب، افغانستان‌ده انسان حقلری‌دن مدافعه قیلیش‌گه تیارلیکلرینی اعلام قیلگن.
ایتیش کېره‌ک که جرمنی تشقی ایشلر وزیرلیگی تامانیدن اۉتکزیلگن ییغین‌ده، افغانستان‌ده انسان حقلری نقض اېتیلیشی خلق‌ارا محکمه‌سیده تیکشیریلیشی خصوصیده بحث اېتیلگن.
دېیرلی بو حقده جرمنی، کانادا، استرالیا و هلند مملکتلری آرقه‌لی قضایی بیر جریان هم اۉرته‌گه تشله‌نگن.
