فاریاب ولایتی دن انیق منبع‌لرنینگ اۉزبېک تی‌وی گه ایتیشیچه، اوشبو ولایتده طالبان والیسی ملا عبدالاحد فضلی ولایت اقتصاد و شهر قوریش باشقرمه چی لیگده ایشله یدیگن اۉزبېک ایشچیلری گه رشوت کبی تورلی یالغان-یاشیغ عیبلاولر اویدیریب حقارت و سۉکینچ لر بیلن ایککی کیچه و کوندوز ولایت دیپوسیده قمه گن.
منبع‌لرنینگ قۉشیمچه قیلیشیچه، طالبان بو مقامی اوشبو یانده‌شووی دوامیده بوتون ییرلی اۉزبیک ایشچیلرنی قماققه آلیش بیلن تهدید قیلیب یقین کیله جکده باشقه بیر نیچه کیشی نی قماققه آلیشی دن خبر بیرگن.
شونینگدېک طالبان والیسی بوتون اۉزبیک ایشچیلرنی تورلی حقارت و سۉکینچ لر بیلن قورقیتیب، ایش دن بۉشه تیش بیلن تهدید قیلگن. منبع نینگ ایتیشیچه، عبدالاحد فضلی: “بیزگه اۉقیمیشلی، انجینر و متخصص کیره ک ایمس بیزگه اوروشگن مجاهد کیره ک” دیب ایتگن.
اۉزبېک تی‌وی گه یېتیب کیلگن معلومات‌لرگه کۉره، طالبان نینگ فاریاب والیسی، اوشبو ولایت گه کیلگنی دن بیری ییرلی اۉزبیک ایشچیلرگه نسبتن شبهه لی باقیش، ایریمچیلیک، تبعیض، سۉکینچ و حقارت لر کۉپه یگن.
ایتیش کیره ک کیم، عبدالاحد فضلی فاریاب گه والی ایتیلیب تعیینلنگنی دن بیری ییرلی اداره لرده پشتون لراوستون توتیلیب هر قنده فرصت و امکانیت لر ایلک اۉلرگه بولیشتیریلیب اۉزبیک چیتده توتیلیب تورلی حقارت و کمسینیش لرگه معروض قاله دی.
