فاریاب ولایتی نینگ شیرین‌تگاب اولسواللیگیده محلی منبع‌لرنینگ اۉزبېک تی‌وی گه ایتیشیچه، ایکی آی‌دن بیری بو اولسواللیکده طالبان تامانیدن ینگی بیر معارف آمری کېلیب، سابق حکومتی دوری‌دن قالگن معارف ایشلاوچیلری و مکتب‌لر اۉقیتووچیلرینی حقارت‌لب باسیم آستیده آلگن.
منبع‌لرنینگ ایتیشیچه، مولوی غلام سخی ناملی طالبان اعضاسی، شیرین‌تگاب معارف خادملری و اۉقیتووچیلرنی، سَقالی آزلیگیدن تنقید قیلیب، اولرنی کافر دېب حقارت قیله‌دی.
طالبان بو اعضاسی نینگ اوشبو حقارت‌لی یانده‌شووی و سوکیش‌لری سبب، شیرین تگاب اولسواللیگیده اۉقیتووچیلر استعفا بېریشگه قدر جبرلنگن.
دېیرلی طالبان نینگ بو اعضاسی باسیمی و حقارتلری، شیرین‌تگاب اولسواللیگی معارف بولیمیده کتته معماگه اَیلنگن و معارف خادملری و اۉقیتووچیلری اونینگ قۉلی‌دن عذاب‌ده‌لیگی اَیتیله‌دی.
منبع‌لردن بیری نینگ اۉزبېک تی‌وی‌گه بو حقده ایتیشیچه “بو معارف آمری معلم‌لرنی مسلمان اېمس‌سن سقال‌نی کوتار، یوزینگ مسلمان‌لرنی یوزی‌گه اوخششمه‌یدی دېب سوکه‌دی.”
منبع‌لرنینگ ایتیشیچه طالبان بو اعضاسی، شیرین‌تگاب معارف خادملری و مکتب اۉقیتووچیلری بیلن یالغیز اولر جمهوریت دوری‌دن معارف‌ده بۉلیب کېلگنی اوچون، شوندی یامان یانده‌شووده دیر.
