خلق‌ارا کیچیریم تشکیلاتی ۸ – مارچ خاتین-قیزلر بیردملیک کونی مناسبتی بیلن نشر قیلگن بیاناتیده، طالبان نینگ افغانستان خاتین-قیزلری‌گه قرشی چیکلاولری دوامی‌دن تنقید قیلگن.
بو تشکیلات نینگ اورغوله‌شیچه، طالبان اوشبو چیکلاولر و سیستماتیک تبعیض‌لری بیلن جماعه‌دن عیاللرنی یۉق اېتیش‌گه اولگورگن.
خلق‌ارا کیچیریم تشکیلاتی نینگ یازیشیچه “افغانستان جماعه‌سیده عیاللر حضوری جمله‌دن اولرنینگ اۉقیش، ایشلش و سفر قیلیش حقلری یۉق اېتیلگن. شونینگدېک جماعه‌ده عیاللرنینگ سیسی هم اوچیریلگن.”
خلق‌ارا کیچیرم تشکیلاتی دنیا هم‌جمعیتی افغانستان خاتین-قیزلری بو وضعیتی‌گه نقطه قوییش اوچون جدی چاره-تدبیر کۉریشینی سۉره‌گن.
