مارچ آیی نینگ ۸ – سی خلق‌ارا خاتین-قیزلر بیردملیک کونی ییتیب کېلیشی بیلن طالبان نینگ عیاللرگه قرشی یانده‌شووی خصوصیده‌گی تنقیدلر جدی تیلگه آلینر اېکن، طالبان عیاللر حقلرینی نظرگه توتیشینی اعلام قیلدی.
طالبان سۉزلاوچیسی ذبیح الله مجاهد، اۉزی نینگ ایکس صحیفه‌سیده بو حقده نشر قیلگن بیاناتیده، افغانستان جماعه‌سی عیاللری بیلن باشقه مملکتلر عیاللری حقلری فرق‌لی دېب یازگن.
طالبان افغانستان خاتین-قیزلری نینگ اۉقیش، ایشلش و حتا سفر قیلیش کبی دستلبکی حقلرینی نقض اېتیب قویگن بیرحالده، بو حاکمیت سۉزلاوچیسی افغانستان‌ده عیاللرگه قرشی زوره‌وانلیکلر آلدی آلینگنینی ادعا قیلدی.
عینی حالده، طالبان افغانستان‌ده خاتین-قیزلر فیزیکی و روحی خوفسیزلیکده دېگن.
طالبان نینگ بو ادعاسی شوندی بیرحالده دیر که اخیرگی اوچ – یریم ییل ایچیده نشر اېتیلگن گزارش‌لر، عیاللر آره‌سیده روحی کسللیکلر کۉپه‌یگنیدن خبر بېره‌دی.
