خلق‌ارا ساغلیقنی سقلش تشکیلاتی نینگ افغانستانده‌گی نماینده‌لیگی، مملکت ساغلیق تیزیمینی قوللب-قوتلش مقصدیده، بیش ییل‌لیک بیر ریجه قۉلگه آلینگنیدن خبر بېردی.
بو تشکیلات اۉزی نینگ ویب سایتیده نشر قیلگن بیاناتیده، اوشبو ریجه «ساغلیق ملی سیاستی ۲۰۲۵ – ۲۰۳۰» نامی آستیده عملگه آشیریلیشینی بیلدیرگن.
ساغلیقنی سقلش تشکیلاتی تامانیدن نشر اېتیلگن بیاناتده کېلیشیچه “بو ریجه مالی شرایط‌لری نظرگه توتیلمه‌ی، افغانستان برچه اهالیسی اوچون صفت‌لی ساغلیق خذمت‌لری ترقه‌تیش‌دن ایشانچ قۉلگه کېلتیریش مقصدیده اونملی بیر یۉل خریطه‌سی دیر.”
ایتیش کېره‌ک که افغانستان‌ده، ساغلیق خذمت‌لری ترقه‌تیلیشی ییللردن بیری جدی بیر معما اوله‌راق دوام اېتیب کېلماقده دیر.
دېیرلی اوشبو وضعیت دوامی‌ده، طالبان دوری‌ده افغانستان ساغلیق تیزیمی کۉپراق خواطرلی احوالده توشیب قالیب، حاضر ساغلیق خذمت‌لرینی ترقه‌تیلیشی کۉپینچه خلق‌ارا یاردملرگه محتاج بۉلیب قالگن.
