افغانستان اۉزبېکلری نینگ تانیقلی یازووچی و فرهنگی فعاللریدن استاد کاظم امینی، اۉزی نینگ فیسبوک صحیفه‌سیده، عایله‌سینی قوللب-قوتلش‌نی سۉره‌ب خلققه مراجعت قیلگن.
یازووچی و فرهنگی فعال کاظم امینی جنابلری نینگ یازیشیچه، عایله‌سی ایران‌دن جبری چیقاریلگندن کیین، فاریاب‌گه قیتیب اویی غصب اېتیلیشی بیلن دوچ بۉلگن.
جناب امینی نینگ تاکیدلشیچه، عایله‌سی ایرانگه چیققن‌دن کیین اویی‌نی شمس ناملی بیر شخص‌گه کرایه بېرگن اېکن و بو مدت ایچیده اونینگ اویی غصب اېتیلیب، عایله‌سی اویی‌نی سۉره‌گنده طالبان تامانیدن قمه‌لگن.
جناب امینی نینگ بو حقده یازیشیچه “عایله‌م ایکی هفته‌دن بیری اوی‌میز کرایه‌سی و بوشه تیلیشینی طلب قیلیب، طالبان تورلی اداره‌لریگه مراجعه قیلدی. بیراق طالبان اېسه اولرنی حق‌دن مدافعه قیلیشی اۉرنیده، غاصب‌دن حمایه قیلدی. اۉتگن کون چهارشنبه عایله‌م نینگ عریضه‌سی دستلبکی محکمه‌گه باردی. قاضی حق‌نی قضاوت قیلیش اۉرنیده، عایله‌م تیرگاو آستیده آلینیشینی بویروغ بېرگن و بو بیلن اولر بیر کیچه‌نی قماق‌ده اۉتکزدی.”
کاظم امینی جنابلری نینگ ادعا قیلیشیچه، ایران کېتگنیدن کیین اویی‌نی آلگن شمس ناملی بیر شخص، اوی‌ده یوکسک اۉقوو موسسه‌سی توزاتیب، اوی تهکاوی‌سیده فاریاب‌لیک بو یازووچی‌گه تېگیشلی اسلامی دینی‌گه قرشی کتاب اسره‌لیشینی ادعا قیلگن و کیین اېسه بو مساله بیلن طالبان‌گه مراجعه قیلیب، طالبان استخبارات خادملرینی اوی‌گه آلیب کېلگن.
ایتیش کېره‌ک که افغانستان اۉزبېکلری نینگ تانیقلی کاظم امینی، اۉزی هم طالبان تامانیدن محبوس اېتیلگندن کیین، ایرانگه کېتیشگه مجبور بۉلگن اېدی.
حاضر امینی نینگ تاکیدلشیچه، عایله‌سی فاریاب‌گه قیتیب کېلگن و بو ییرده یشش اوچون باش پناه‌سی یۉق بیرحالده قرار تاپکن.
طالبان نینگ فاریاب ولایتیده‌گی محلی رسمی‌لری، حاضرگه قدر بو حقده بیران تفصیلات بېرگن اېمس.
